Janjuš Aneli rekao da je njena veza sa Carem "bolestan odnos", ona mu vikala tokom nominacija

Novi sukob zadesio je učesnike rijalitija tokom večerašnjih "Nominacija", kada takmičari biraju između Anđele Đuričić i Filipa Cara. Voditeljka Ivana Šopić dala je riječ Marku Janjuševiću Janjušu, čiji je govor izazvao burnu reakciju Aneli Ahmić.

Janjuš je rekao da mu je bilo teško da gleda Cara u stanju u kojem je bio te da mu je drago što se izdigao i nastavio rijaliti. Dodao je da je prvi govorio da se između njih dvoje nešto dešava i da su povezani, te da je primijetio da je Anđela jedina osoba koja Cara interesuje. Naglasio je da to ne govori jer ne voli Gastoza, nego jer je vidio dvoje ljudi koji spavaju zajedno i gotive se, te da je stvarno mislio da će između Anđele i Cara nešto da se desi.

Potom je ocijenio da je Anđela trebalo da reaguje na početku kad je vidjela da Car nema lijepo mišljenje o Gastozu, a to nije uradila, te da je sama sebi skočila u stomak kad je odjednom počela da brani Gastoza.

Uputio se i Caru lično: "Care, ti si u ozbiljnom problemu, polupan si", pitavši ga ima li planove za budućnost. U razgovor se umiješala Aneli, koja ga je upitala ima li on planove, kako će riješiti svoje probleme i o čemu će oni pričati tamo danima. Janjuš joj je odgovorio da ako s Carem planira budućnost, neka samo zamisli kakvi je problemi čekaju, jer ona ima dijete sa Asminom, s kojim je Care u katastrofalnim odnosima, a Asmin je sa Majom. Istaknuo je da su njih dvoje tek spustili loptu i da će sada biti još gore, te da su Aneli i Care tokom 15 dana svakodnevno u sukobima.

"Vaša veza je najgora veza koja postoji", rekao je Janjuš, na šta je Ahmićeva vikala da nema pravo pametovati Filipu jer je on, kako je istakla, muškarac koji bi stao iza nje, a Janjuš ne bi.

Janjuš je pojasnio da ne želi da ih ponižava, nego da kaže šta misli. "Ja mislim da je ovo bolestan odnos i da vi za mjesec dana imate 50 svađa", rekao je on, dodavši da misli da Care "ne žudi za ovakvim stvarima" te da je ko god mišljenja da je dobro imati takav odnos "lud". "Anđela, slab sam na tebe i ostat ću dosljedan", poručio je Janjuš.

Na kraju je objasnio svoju odluku rekavši da je tom čovjeku iskreno pružio ruku i da će ostati dosljedan, te da će poslati Anđelu u izolaciju.